وانا طول عمري بكافح  عشان اربيكم احسن تربيه.  وربنا يعلم كنت ما بشتري لي لبس جديد ويلبس اي لبس قديم علشان اجبلك انتي واخواتك احسن شي . وباذن الله ايامكم احسن من أيامنا “.

فجأة بابا حط وجه الي الارض ومسك ايدي قالي يا بنتي اوعي تخليني اندم اني علمتك كويس . ساعتها سمعت الكلمه و استغربتها قوي . قولت انت بتقول كدا ليه يا ابي . قالي مش لازم تعرفي . بس خلي بالك علي نفسك انتي داخله علي جامعه خاصه محتاجه لبس وتليفون جديد . فرحت جدا وقتله اخيرا حمسك تليفون . انا بحبك جدا يا ابي وبعشق امي كمان “.

فاضل علي بدايه الدراسه شهر  وابي جاب لي تليفون جديد و لبس جديد وشنطتين  . كان نفسي احط علي وجهي مكياج بس هو رفض قالي . عيب يا بنتي احنا اخر المكياج يوم فرحك الناس في القرية يقولوا ايه . فقلت عادي لأني بحترم رأي ابي وامي جدا “.

وانا مسافره وخارجه من البيت امي اخدتني في حضنها جامد وبكت . ولقتها اخرجت من درجها  الخاص خمسمائه جنيه وقالت يابنتي دا كل اللي معاي ما حيغلوا عليكي . وقالت لي امي خلي بالك علي نفسك انتي داخله علي جامعة وعلي فكره التليفون المحمول والملابس الجديدة والدك عمل قرض من البنك بضمان وظيفته. اوعي تقصري رقبتنا . قلتلها ابدا ما تخافي يا امي نهائي.  بنت راجل . خرجت بظهري من باب البيت لقيت اخوي الصغير بيجرى ورأي في الشارع وهو بيعيط بيقولي مين يصحيني وانا رايح المدرسة ومين سيلعب ويذاكر لي . وباسني من خدي وهو بيعيط لقيته أعطاني خمسة جنيهات قالي كنت شايلهم علشان اشتري كوره بس انتي اهم من الكوره ذاكري يا دكتوره .

ركبت مع ابي مواصلة الي القطار ومن القطار مواصلة للجامعه . وبابا سرحان وساكت وانا فرحانه وخايفه اقول لنفسي بقي انا بدخل جامعة خاصة بتاعت البنات والشباب الاغنيه  .باربي خير هما احسن مني في ايه يعني . حتي انا قمر ووجهي احمر وعندي نغزتين.

وصلت سكن الجامعه طبعا علي حساب الجامعه وقطار وغداء والعشاء .

مبني شكله زي الافلام منظره جميل وله جنينة. وامن وسور كبير .

كل دا و ابي  ساكت قلتله مالك  . فرد علي وهو يبتسم انا ابوكي ولست مالك ركزي يا بنتي فضحكت  . طلعت السكن وسجلت بياناتي مشرفات بكل طابق ولوائح دخول وخروج نظام كويس صراحه . وابي اطمن اني حكون  في امان . حضني وقال كلميني لو في حاجه هتوحشيني يا سكر قلبي مش عارف حتقعد شهر من غيرك ازاي . بنصحك بشي اخير يابنتي  ابعدي عن صديقات السوء . وحافظي علينا. سلم ابي وغادر السكن كان باقي ٣ أيام علي الدراسة .

المشرفة  نور اخدتني للطابق الثاني وقالت انتي من الارياف فقلت لها كيف عرفتي.  فقالت المشرفه نور بيبان عليكي . لبسك ومشيتك لسا خااام يا بنتي وضحكت . فقلت في سري أدي اول مجنونه.  عرفت غرفتي بيكون كل طابق من خمس شقق وكل شقه فيها ٣ غرف نوم ومطبخ صغير جدا و حمام .

دخلت الشقه وغرفتي وعرفتني المشرفه نور علي صحباتي في الشقه  الاولى باين عليها العز اسمها حور اسم علي مسمي بنت جميله مهتمه بلبسها حتى بالسكن باين . والتانيه اسمها ايه  قالتلي هاي ودخلت غرفتها على طول. الاتنين في صيدلية لكنهم تانيه صيدلية.

دخلت وقفلت باب  غرفتي بفتح الدولاب لقيت حاجه قفزت في وجهي فصرخت  جامد جدا ووقعت علي السرير لقيت حور وايه فتحوا الباب وهما بيضحكوا علي اخرهم وبنات تانيه من باقي الشقق جائوا يشوفوني ويضحكون علي من كتر الخوف . حور قالت لي دا ترحيب بالاعضاء الجديد البنات اللي لسا جديده.  دا يابنتي لعبه بلاستيك تقفز في الوجه. تعيشي وتاخدي غيرها . وايه قالت علمنا عليكي يا اسطي “.

خرجوا وقالوا الباب وانا من الخوف قاعده علي السرير إلا يكون في مقلب  تاني . ربنا يسامحكم علي الخوف دا . بقي اول دقيقه في الجامعه يحصل كدا استر يارب “.

المهم رتبت الدولاب و غرفتي وليست ملابس النوم وفتحت سجادة صلاتي وصليت ركعتين لله شكر . نمت وصحيت كان باقي يومين على الدراسة . لقيت حور بتخبط على الباب  اصحي يا بنتي الفطار هنا يبدأ من السابعة الي الحادية عشر صباحا . دخلت حور وايه قالت تعالي بقي نعرفك تجيبي الفطار منين . علشان مفيش حد يجبهولك . نزلت معاهم قابلت بنات كتير حور عرفتني علي صحاباتها فطرنا باللوبي.  انا كنت فاكره كلمة اللوبي كلمة سياسية لكنها طلع مكان واسع ومفتوح يا عيني علي الجهل “.

فطرت  لقيت المشرفه نور بتصبح علي ازيك يابنتي الارياف كلها عندنا هنا انا باين ححبك خالص . قلتلها شكرا ما كنت بتكلم كتير ممكن متخوفه او حاسه بغربه شويه “.

لقيت حاجه غريبه كل البنات بياكلوا وهما ماسكين التليفونات نازلين على السلم في اي حته ماسكين التليفونات . قلت دا اكيد بيقروا كتب او بيلعبوا  . واغلبهم مش بيكلموا بعض بقول ل زميلتي ايه بتقري كتاب ايه فبصتلي باستغراب بقرا كتاب التغيرات الجسديه والجنسيه . تاخدي شويه تغيرات. وضحكت قالت لي فين تليفونك قلتلها فوق مش بحب امسكهم.  قالتي دا يا بنتي اسمه ماسنجر بكلم صاحبي معاذ . انا ذهلت من كلمة صاحبي فبقول حور انتي بتعملي ايه قلت فاتحه انستغرام. قلتلها شكرا مش عايزة انا بقولك بتعملي ايه علي تليفونك قالت لي يا حبيبتي بقولك انستغرام ابقي ابعتي لي فولو  و حسابك علي الفيس ايه عشان اضيفك . قلتلها ما عنديش الفيس ولا غيره اسمع انهم مضيعة للوقت . وانا هنا منحه علشان من المتفوقين. فمش حابه انزل عن مستواي ابدا . كل البنات سمعوا كلامي وضحكوا علي قالولي بكره نشوفك يابتاعت مضيعة للوقت انتي . سبتهم وطلعت غرفتي.  بفكر في كلامهم. هي البنات دي كلها غلط . ولا انا اللي غلط . ولا تربيتنا ولا ايه بالظبط . استرها عليا يارب دا انا لسا ما بدأت ومن اول حاجه “.

ما ركزت مع البنات وجهزت كل حاجه علشان ابدأ الدراسه جاهزة باللبس و كل حاجه .

قبل الدراسه بيوم ابي وامي كلموني واطمنوا علي  حبيب قلبي اخوي الصغير كلمني وهو بيعيط وحشتيني خايف اصحى متاخر علي المدرسة  .

روحت الجامعه اول يوم دخلت من البوابة . ايه دا ايه المنظر الغريب دا .

انتظروني بالجزء الثالث … مع انه اتأخر اكتر من ٩ شهور لانشغالي بأمور جديده .. منتظره تعليقاتكم 🙊

 

شاهدوا أيضا ::

بنتي في جامعة خاصة الجزء الأول 

بنتي تكذب باستمرار 

العادة السرية عند البنات 

2
اترك تعليق

avatar
1 تعليق المواضيع
1 ردود موضوع
0 متابعون
 
معظم رد فعل التعليق
سخونة تعليق الموضوع
2 كتاب التعليق
موقع بنتيام محمد مؤلفو التعليقات الأخيرة
  الاشتراك  
الأحدث الأقدم الأكثر تصويتاً
نبّهني عن
ام محمد
ضيف
ام محمد

جميلة اوي قصتك فكرتني باللذي مضي يا بنات

موقع بنتي
المدير

قلبي انتي